نشرت الممثلة اللبنانية ليا بو شعيا صورةً لها على انستغرام من آخر جلسة تصوير خاصة قامت بها بالتعاون مع المخرج والمصوّر المبدع كفاح بلاني. ارتدت ليا فستان أسود وغطت عيونها بالورود. وأرفقت بو شعيا تحت الصورة مقطع مؤثر عبرت من خلاله عن وجعها بالأحداث الأخيرة التي حصلت في لبنان وأكبرها إنفجار مرفأ بيروت. فكتبت: كل حدا فينا عندو طريقة يعبر فيها، بس ببلد انسرقت منه كل سبل التعبير عن الحريّة، الشي الوحيد يلّي عنا حريّة تامة عليها هي أفكارنا. ? كنت عم بسأل حالي، كيف فينا نوصل وجعنا بطريقة بتشبهنا.. ما كنت لاقي غير الفن? لهلق مش قادرين نجمع أفكارنا ونسيطر على مشاعرنا من بعد الفاجعة يلّي عشناها وبعدنا عم من نعيشا يوم ورا يوم. كلنا انكسر شي كبير جواتنا ما بعمرو رح يتصلح، كلنا حاسين ببلاطة على قلبنا عم بتخنقنا، كلنا خايفين من بكرا ويلي بعدو.. ومع هيدا وكلو قاصدين نضل نشوف القصص الحلوة ويلّي بتدعي للسلام الداخلي، و بتزرع الأمل، الإيمان، الإنسانية والحب والإنتماء لوطنا #لبنان